Pune Crime
News : हातात कोयता घेऊन आरोपी तरुण हा तरुणीचा पाठलाग करत होता. इतक्यात
या परिसरात असलेल्या स्थानिकांनी वेळीच धाव घेत आरोपी शंतनू जाधव याच्या हातून कोयता हिसकावून घेतला.
हायलाइट्स:
धाडसाने हल्लेखोर विकृत तरुणाला पकडलं
स्थानिक तरुणांनी वाचवले तरुणीचे प्राण
पुण्यातील सदाशिव पेठेतील घटना
पुणे : विद्येचं माहेरघर म्हणून ओळख असणाऱ्या पुण्यात गेल्या काही वर्षांपासून गुन्हेगारी मोठ्या प्रमाणात वाढत आहे. अशातच
आज पुन्हा एकदा शहरात भररस्त्यात एक धक्कादायक घटना घडली. एकतर्फी प्रेमातून एका तरुणाने बाईकवर असणाऱ्या
तरुणीवर कोयत्यावर वार केले. मात्र स्थानिक तरुणांनी मोठ्या धाडसाने हल्लेखोर विकृत तरुणाला पकडलं आणि तरुणीचा
जीव थोडक्यात वाचला. काही दिवसांपूर्वी देशाची राजधानी असलेल्या दिल्लीतही भररस्त्यात एका तरुणीवर निर्घृणपणे रस्त्यात
वार करण्यात आले होते. तिथं उपस्थित असलेल्या जमावाने आरोपीला रोखण्याचं धाडस न दाखवल्याने त्या तरुणीचा मृत्यू
झाला होता. मात्र पुण्यात दोन तरुणांनी जीवावर उदार होत तरुणीचे प्राण वाचवल्याने त्यांचं सर्वत्र कौतुक होत आहे.
, सदाशिव पेठ भागात आज सकाळी १० वाजण्यास सुमारास एका तरुणीवर कोयत्याने वार करण्यात आले. ही तरुणी आणि
एका तरुणासोबत दुचाकीवरून सदाशिव पेठ भागातल्या स्वाद हॉटेलच्या परिसरात आली होती. त्याठिकाणी ते दोघे
एकमेकांशी बोलत बोलत असताना शंतनू जाधव हा तरुण तिथं आला आणि त्याने बागेतून कोयता काढत दुचाकीवर असणाऱ्या
तरुण-तरुणीवर वार करण्यास सुरुवात केली. त्यावेळी दुचाकीवरील तरुण आपला जीव वाचवत तिथून पळून गेला आणि शंतनू
जाधव याने तरुणीचा पाठलाग करत तिच्यावर हल्ला करण्यास सुरुवात केली. इतक्यात या परिसरात असलेल्या स्थानिक
तरुणांनी वेळीच धाव घेत आरोपी शंतनू जाधव याच्या हातून कोयता हिसकावून घेत मुलीचा जीव वाचवला. त्यानंतर शंतनूला
चोप देत पेरू गेट पोलीस ठाण्यात नेऊन पोलिसांच्या ताब्यात दिलं. या हल्ल्याप्रकरणी पुढील तपास विश्रामबाग पोलीस
ठाण्याचे पोलीस कर्मचारी करत आहेत.
, पुण्यात घडलेल्या या घटनेनं पुन्हा एकदा शहरातील कायदा-सुव्यवस्थेचा प्रश्न ऐरणीवर आला आहे. अशा प्रवृत्तीना
रोखण्यासाठी गृहविभागाने तात्काळ कठोर उपाययोजना कराव्यात, अशी मागणी आता नागरिकांकडून केली जात आहे
